Posted by Lina Tooala {168.180.96.8} on September 09, 2004 at 14:45:31:
In Reply to: Faatea ona o le ekalesia posted by nesian_tauaana {211.28.96.39} on May 23, 2003 at 05:33:20:
E muamua le viiga i le Atua na faia mea uma lava. Manaia tele le mataupu, oute fia fesoasoani atu ile fesili. Oute fa'afetai ile loto toa o nei tina ma o latou aiga e tu atu ai e faia a latou filifiliga mo le Atua. O lo'o tusia i totonu ole tusi paia o lo'o fetalai mai Iesu o loo iai ana mamoe i isi lotoa, o lona uiga e le tasi se tapuaiga o iai ni mamoe a le Atua. Le gata i lea o loo fai mai fo'i le tusi paia o se e faasili atu ona matua po'o seisi lava mea i lenei lalolagi ia te ia ele aoga ia te a'u.
E foliga mai ua sili i matai ma faipule o Falelatai le ituaiga tapuaiga i lo le Atua o lo'o tapua'i iai le tele o tagata. Na aumaia ele Atua le avanoa iai tatou e fai ai a tatou filifiliga i le lalolagi o lo'o tatou aumau ai,e tatau fo'i ona tu'u ia tagatanu'u e matai i le tapuaiga ua filifili latou e maua ai le ola e fa'avavau. Aua e le o matai ma ave tina nei ma o latou aiga ile ola e fa'avavau, e tutu ta'i to'atasi uma lava tagata ia e talitali tusa ma ana mea na fai i lenei olaga. Fa'afetai, ole suli moni o Falelatai.