Faimalaga le Vaega Lona Fa o Leoleo mo le Fesoasoani a Samoa i Galuega Faaleoleo Savili a Malo Aufaatasi i Timor i Sasae
Press Secretariat. Prime Minister's Department, Apia, Samoa.
Ua faamaonia e le Kapeneta le Faimalaga atu o le Vaega Lona Fa o Leoleo mo le Fesoasoani a Samoa i Galuega Faaleoleo Savili a Malo Aufaatasi i Timor i Sasae.
Ua maea tapenaga a leoleo e toatolu lea ua filifilia e avea ma Vaega Lona Fa o Sui o Samoa i Timor i Sasae mo le sefulu ma le lua (12) masina o loo lumana’i nei. O leoleo ua filifilia e aofia ai le Alii Faufautua e toatasi (1), Alii Satini Sinia e toatasi (1), ma le Alii Satini e toatasi (1). Ina ia faamalieina aiaiga faaletulafono a Malo Aufaatasi, ua faia ai nei siitaga le tumau o tulaga o Leoleo mo le sefulu ma le lua masina lea o le a galulue ai i Timor i Sasae. Ua faia foi ma ni o latou inisiua mo le umi e galulue ai i Timor.
O suafa ia o le Vaega Lona Fa o Leoleo ua faimalaga atu i Timor i Sasae: Tofilau Saolele Tavae (Alii Faufautua); Faaesea Lautala (Satini Sinia); ma, Faanu Matagitu (Alii Satini).